Прафесійна абсталяваную лабараторыю, дзе вырабляўся сінтэтычны прэпарат клефедрон, выявілі на адной з ферм ваяводства. У адным з памяшканняў знаходзілася цалкам абсталяваная вытворчая лінія, а ў іншым — спецыяльная сушыльная камера для падрыхтоўкі прэпаратаў да далейшага распаўсюджвання.

У ходзе аперацыі супрацоўнікі паліцыі арыштавалі трох мужчын з доказамі злачынства пры вырабе наркотыкаў. У гаспадарчых пабудовах было канфіскавана больш за 1,6 т гатовага клефедрону. Дадатковыя партыі наркотыкаў былі выяўленыя таксама ў дамах затрыманых.

Арыштаваным мужчынам ужо прад’яўленыя абвінавачванні. Ім пагражае да 20 гадоў пазбаўлення волі. Усе яны ўзятыя пад варту.

Клефедрон (4-хлорметкацінон) — псіхатропнае рэчыва з класа кацінонаў, якое рэалізуецца на чорным рынку як дызайнерскі наркотык. Яно аказвае той жа псіхаактыўны эфект, што і мефедрон. Валодае высокай нейратаксічнасцю і ўяўляе сур’ёзную небяспеку для здароўя. У многіх краінах, уключаючы Беларусь, рэчыва ўнесена ў спісы забароненых наркатычных і псіхатропных сродкаў.