Паводле слоў Андрэя Камінскага, у летнім сезоне плануецца аздаравіць 34 тыс. чалавек, з іх каля 3 тыс. дзяцей. 

Санаторыі Федэрацыі прафсаюзаў Беларусі маюць самую старажытную гісторыю сярод усіх санаторыяў краіны: некаторыя адзначылі 110-гадовы юбілей. «Уся сістэма Федэрацыі прафсаюзаў узыходзіць да ВЦСПС (цэнтральны орган прафесійных саюзаў СССР. — Заўв. БелТА), калі цэлыя інстытуты распрацоўвалі праграмы санаторна-курортнага лячэння на ўзроўні Савецкага Саюза, навукова абгрунтоўваліся тэрміны лячэння. Традыцыі, закладзеныя на этапе зараджэння санаторыяў, захаваліся і працягваюцца. На сённяшні дзень гэта і месца размяшчэння санаторыя — лепшыя куткі рэспублікі, дастаткова раўнамерна размеркаваныя па ўсіх абласцях. Санаторыі маюць вялікую тэрыторыю (20 га і больш), вялікую гісторыю, традыцыйна надаюць вялікую ўвагу менавіта санаторна-курортнаму лячэнню», — расказаў намеснік дырэктара.

Лячэнне не можа быць бясплатным, але павінна быць рацыянальным, паводле паказанняў і, несумненна, эфектыўным, лічыць ён. 

Санаторна-курортнае лячэнне ФПБ накіравана на атрыманне канкрэтнага медыцынскага эфекту. «Медычны эфект — гэта і скарачэнне часовай непрацаздольнасці, скарачэнне інваліднасці, у канчатковым выніку — падаўжэнне жыцця насельніцтва. Важна разумець месца санаторна-курортнага лячэння ў сістэме аховы здароўя. Ёсць ходкая формула СААЗ: на 50% здароўе вызначаецца ладам жыцця, на 20% — генетыкай, на 20% — экалогіяй і толькі на 10% — сістэмай аховы здароўя. Але гэтая формула патрабуе невялікага пераводу: сістэма аховы здароўя — гэта не толькі медыцына і лячэнне. Санаторна-курортнае лячэнне на сённяшні дзень здольна паўплываць на ўсе гэтыя групы працэнтаў: і на лад жыцця, і на экалогію (па месцы размяшчэння), і на прыродныя фактары, і на медыцынскі складальнік, і нават на генетыку», — звярнуў увагу Андрэй Камінскі.