Улады правінцыі Гуандун (Паўднёвы Кітай) прадставілі 30 сцэнарыяў прымянення штучнага інтэлекту (ШІ) у чатырох абласцях: вытворчасць, адукацыя, ахова здароўя і бяспека, перадае «Сіньхуа».

У сферы адукацыі вызначаны тыповыя сцэнарыі прымянення гэтай тэхналогіі ў пяці асноўных галінах: навучанне, педагагічная дзейнасць, эксперыменты, размеркаванне рэсурсаў, а таксама ацэнка і падтрымка прыняцця рашэнняў.

Што да аховы здароўя, то гуандунская адміністрацыя паведаміла аб 10 тыповых сцэнарыях прымянення ШІ ў такіх галінах, як візуалізацыйная дыягностыка, прыняцце клінічных рашэнняў, планаванне хірургічных умяшанняў, амбулаторнае лячэнне і медыцынскія кансультацыі.

«Рэгіён Вялікага заліва Гуандун—Сянган—Аамэнь мае перавагі ў такіх галінах, як электрамеханічныя тэхналогіі, а таксама лічбавыя і інтэлектуальныя тэхналогіі», — адзначыў Цюй Сяацзэ, намеснік кіраўніка Упраўлення прамысловасці і інфарматызацыі правінцыі Гуандун. У гэтым раёне таксама ёсць поўны вытворчы ланцужок для ШІ і робататэхнікі.

Правінцыя Гуандун будзе падтрымліваць індустрыялізацыю тэхналогій, маркетызацыю прадукцыі і камерцыялізацыю паслуг для прадпрыемстваў у галіне ШІ і робататэхнікі, рэзюмаваў Цюй Сяацзэ.