У павеце Цзяньхэ правінцыі Гуйчжоу (Паўднёва-Заходні Кітай) захоўваецца адзіная ў свеце тэхніка — вышыўка алавянымі ніткамі народнасці мяа, перадае «Жэньмінь жыбаа» анлайн». 

Гэты складаны працэс уключае прадзенне, ткацтва, вышыванне і нанясенне волава. Вырабы адрозніваюцца ўнікальнай фактурай з геаметрычнымі ўзорамі, дзе асноўным колерам служыць металічнае волава, дапоўненае чорнымі, чырвонымі і сінімі адценнямі. Вынік выглядае адначасова архаічна і сучасна.

У 2006 годзе алавяны гафт мяа быў унесены ў першы спіс нацыянальнай нематэрыяльнай культурнай спадчыны Кітая. Сучасныя майстры адаптуюць старажытную тэхніку для стварэння завушніц, падвесак і іншых упрыгожванняў, імкнучыся пазнаёміць з гэтым мастацтвам шырэйшую аўдыторыю.