У вёсцы Яатаў павета Чэнчэн, што ў правінцыі Шэньсі (Паўночна-Заходні Кітай), адраджаюць ганчарнае рамяство, захоўваючы старадаўнія печы, навучаючы маладых майстроў і папулярызуючы ганчарнае мастацтва сярод дзяцей, перадае «Жэньмінь жыбаа» анлайн».
Заснаваная ў перыяд дынастый Цынь і Хань (221 г. да н. э. — 220 г. н. э.) вёска атрымала назву Яатау, дзякуючы кераміцы. Калісьці гэта быў найбуйнейшы цэнтр вытворчасці і гандлю бытавой керамікай ва ўсходняй частцы старажытнага рэгіёна Гуаньчжун (цэнтральная частка правінцыі Шэньсі).
У 2013 годзе вёска ўвайшла ў спіс традыцыйных кітайскіх вёсак нацыянальнага ўзроўню. Тут захаваліся 129 старажытных печаў, 78 керамічных майстэрняў, 75 старажытных дамоў і 17 храмаў — гэта найбуйнейшы і найбольш добра захаваны комплекс ганчарных печаў у басейне ракі Хуанхэ. Вёска атрымала назву «Музей народнай керамікі пад адкрытым небам».
За апошнія гады ў рэстаўрацыю традыцыйнай вёскі было ўкладзена 33,5 млн юаняў. Адноўлены 33 гістарычныя будынкі, захаваны больш за 1200 адзінак пячорнага жылля, звыш 100 старажытных дамоў і 17 храмаў эпох Юань, Мін, Цын і Кітайскай Рэспублікі (1271–1949 гг.).
Адным з уладальнікаў керамічнай майстэрні з’яўляецца Лю Чжун’ян, носьбіт нацыянальнай нематэрыяльнай культурнай спадчыны — старажытнай тэхнікі абпалу керамікі Яатау. Паводле яго слоў, вытворчасць керамікі праходзіць 72 этапы — ад выбару гліны да палівавання — кожны крок патрабуе дакладнасці.
У 18 гадоў Лю Чжун’ян стаў вучням свайго бацькі і сістэмна вывучаў майстэрства. Цяпер ён перадае веды далей: у яго ўжо 11 вучняў, якія асвоілі асноўныя тэхнікі. «Гэта каштоўная спадчына продкаў, моладзь павінна яго прыняць і перадаць далей», — адзначае майстар.
У Эксперыментальнай пачатковай школе павета Чэнчэн кожную пятніцу праходзіць урок ганчарнага майстэрства. Лю Чжун’ян і іншыя майстры рэгулярна праводзяць заняткі, навучаючы дзяцей лепцы. За сем гадоў праграма «Нематэрыяльная спадчына ў школах» ахапіла больш за 10 тысяч вучняў з больш як 10 пачатковых школ і дзіцячых садкоў павета.
Тысячагадовыя печы не толькі захавалі культурныя карані, але і сталі асновай для развіцця турызму. У вёсцы створаны культурна-турыстычны экапарк ганчарнай культуры Яатау, дзе старажытныя печы пераўтвораны ў турыстычныя славутасці. Парк штогод прымае больш за 300 тысяч наведвальнікаў і забяспечвае работай больш як 50 мясцовых жыхароў.
