У павеце Цяацзя горада Чжаатун, што ў правінцыі Юньнань, (Паўднёва-Заходні Кітай), была запушчана першая ў краіне лінія па вытворчасці так званага бульбянога рысу. Першая партыя прадукцыі ўжо з’явілася на мясцовых прылаўках, перадае «Жэньмінь жыбаа» анлайн».
Бульбяны рыс — гэта прадукт з высокім утрыманнем крухмалу, які мае форму рысавых зерняў і вырабляецца са свежай бульбы з дапамогай інавацыйнай тэхналогіі перапрацоўкі. Вытворчая лінія бульбянога рысу была створана ў выніку больш чым пяцігадовых даследаванняў і распрацовак каманды пад кіраўніцтвам акадэміка Кітайскай акадэміі навук У Цы.
Згодна з папярэднімі разлікамі, з 2,5 тоны бульбы можна атрымаць 1 тону бульбянога рысу. Чакаецца, што пасля запуску першай вытворчай лініі яна будзе штогод перапрацоўваць 2500 тон свежай бульбы і вырабляць 1000 тон бульбянога рысу.
Ва ўмовах абмежаванай плошчы ворных земляў, прыдатных для вырошчвання прадуктаў харчавання, ёсць схілы і горы, дзе можна вырошчваць бульбу. Аднак гэтыя землі не выкарыстоўваюцца, галоўным чынам з-за кароткага тэрміна захоўвання бульбы. Бульбяны рыс можа захоўвацца працяглы час пры пакаёвай тэмпературы. Дзякуючы гэтай тэхналогіі перапрацоўкі бульба стане асноўным прадуктам харчавання для большай колькасці людзей.
