ДТЗ здарылася 27 кастрычніка прыкладна ў 17.00. Паводле папярэдняй інфармацыі, 16-гадовы кіроўца матацыкла «Мінск» не саступіў дарогу аўтамабілю «Рэно» пад кіраваннем 45-гадовага кіроўцы, адбылося сутыкненне. Непаўналетняга байкера даставілі ў бальніцу.

Дзяржаўтаінспектары нагадалі: вадзіцелям падчас руху варта ўважліва глядзець на дарожныя знакі і знакі прыярытэту, а пры выездзе з другараднай дарогі неабходна ўступаць дарогу транспарту, які рухаецца па галоўнай.