У лютым прапановы на кватэры ў Магілёве нязначна павялічыліся. Услед за імі вырасла і цана рэалізаванай нерухомасці, пра што кажуць даныя сайта Нацыянальнага кадастравага агенцтва Беларусі. 

Згодна з прапановамі на сайтах нерухомасці, можна сказаць, што за другі месяц года ў Магілёве сярэдні кошт квадратнага метра жылля ў замежнай валюце павялічыўся на 2 % — з 1 071 да 1 092 долараў. Аднак за апошнія 12 месяцаў цэны на кватэры ў Магілёве выраслі на 23,7 % (883 долары — кошт квадратнага метра ў лютым 2025-га), а з пачатку года рост цэн склаў 3,8 % (1 052 долары — кошт «квадрата» ў снежні 2025-га).

У другім буйным горадзе рэгіёна, горадзе Бабруйску, цэны на кватэры за месяц выраслі на 4,5 % — з 693 долараў да 724 долараў за квадратны метр. У беларускіх рублях назіраем наступную дынаміку: рост на 4,6 % — з 1 974 да 2 065 рублёў за «квадрат». За год сярэднія цэны на кватэры ў Бабруйску выраслі на 26 % (у лютым 2025 года — 576 долараў), а з пачатку года рост склаў 6 % (681 долар — цана ў снежні 2025).

Статыстыка паказвае, што ў лютым у Магілёве былі прададзеныя 134 кватэры (уключаючы долі і кватэры, прададзеныя па долях). З іх рэалізаваны 43 аднапакаёвыя кватэры, або 32,1 % ад усіх здзелак. Прададзена двухпакаёвых кватэр — 51, або 38 %. На апартаменты з трыма і больш пакоямі прыйшлося астатнія 29,9 %, або 40 заключаных дагавораў.

Калі аналізаваць цэны прададзеных кватэр на «другасным» рынку (выключаючы кватэры, прададзеныя па долях), то ў сярэднім кошт аднаго квадратнага метра ў Магілёве дасягаў 2 781 бел. руб., або 975 долараў. У параўнанні з папярэднім месяцам кошт вырас на 1,4 %. Можна заўважыць, што сярэдняя цана квадратнага метра жылля ў Магілёве ў аб’явах аб продажах кватэр на сайце нерухомасці на 12 % вышэй, чым рэалізаваных.

У Бабруйску ў лютым была здзейсненая 71 здзелка куплі-продажу кватэр. Кошт квадратнага метра рэалізаваных за люты тут кватэр — 633 долары.

А вось за два апошнія тыдні сярэдні кошт у аб’явах аб продажы кватэр у Магілёве знізіўся на 0,3 % і склаў 1060 долараў за квадратны метр. Пры гэтым колькасць кватэр у продажы зменшылася на 4 %. На 1,2 % знізілася сярэдняя цана 1-пакаёвых кватэр, якія на дадзены момант прадаюцца ў сярэднім па 1096 долараў за «квадрат». Сярэдні кошт на 2-пакаёвыя кватэры ў Магілёве складае 1090 долараў за квадратны метр (зніжэнне 0,1%). За 3-пакаёвыя кватэры ў абласным цэнтры просяць у сярэднім 1037 долараў за «квадрат», як і раней.

Што датычыцца сярэдняга ўзроўню цэн на кватэры ў буйных гарадах вобласці. Напрыклад, у Магілёве аднапакаёвыя кватэры прадаюцца за 43 500 долараў, двухпакаёвыя — за 60 000 долараў, а трохпакаёвыя — за 73 300 долараў. У Бабруйску цэны на жылую нерухомасць ужо значна ніжэйшыя. Там малыя кватэры прадаюцца за 25 800 долараў, двухпакаёвыя — за 36 500 долараў, а трохпакаёвыя — 47 000 долараў. 

Самая дарагая здзелка ў лютым

Даражэй за ўсё ў Магілёве ў лютым купілі трохпакаёвую кватэру плошчай 84,9 кв. метра, калі яе кошт склаў 342 000 бел. руб. Гэта досыць сучасны жылы дом 2016 года пабудовы.

Сяргей КУРКАЧ