У Мінскім абласным цэнтры гігіены, эпідэміялогіі і грамадскага здароўя паведамілі: 

— Выпадкі прысмоктвання кляшчоў у красавіку рэгістраваліся на асобных адміністрацыйных тэрыторыях Мінскай вобласці: у Бярэзінскім, Вілейскім, Валожынскім, Лагойскім, Мінскім, Мядзельскім, Слуцкім раёнах і ў горадзе Жодзіна. Больш за ўсё такіх выпадкаў зарэгістравана ў Мінскім (20), Салігорскім (9) і Лагойскім (3) раёнах.

За красавік у арганізацыі аховы здароўя Мінскай вобласці наконт прысмоктвання кляшчоў звярнуліся 105 чалавек, у тым ліку 48 дзяцей — гэта на 13,9 працэнта ніжэй у параўнанні з аналагічным перыядам 2025 года.

— За мінулы перыяд бягучага года па медыцынскую дапамогу звярнуліся 122 чалавекі, з іх 54 дзіцяці, — адзначылі спецыялісты. — Гэта на 19,3 працэнта ніжэй у параўнанні з аналагічным перыядам 2025 года: тады па меддапамогу звярнуўся 151 чалавек, з іх 62 дзіцяці.

Прысмоктванне кляшчоў у красавіку адзначалася ў большай ступені ў сельскай мясцовасці і на дачных участках (43,8 працэнта), у лясным масіве (37,1 працэнта) і на тэрыторыі жылой забудовы (11,4 працэнта).