Старшыня Савета Рэспублікі Наталля Качанава ўказала, што ў зоне дзеяння АДКБ склалася няпростая ваенна-палітычная сітуацыя, асабліва ва ўсходнееўрапейскай частцы. «Таму нам, парламентарыям, трэба актыўна працаваць над пашырэннем міралюбівай палітыкі. У нас няма іншай мэты. Прэзідэнт нашай краіны не раз заяўляў аб тым, што Беларусь заўсёды выступала толькі за вырашэнне канфліктаў мірным шляхам, вылучаючы розныя ініцыятывы. Напрыклад, з 2023 года ў Мінску традыцыйна праходзіць міжнародная канферэнцыя па еўразійскай бяспецы», — адзначыла Наталля Качанава.

Спікер таксама абазначыла важнасць сумеснай работы па захаванні міру. «Сёння нам нельга дапусціць таго, каб нас раз’ядналі. Мы, наадварот, павінны аб’ядноўвацца і працаваць разам. Менавіта ў адзінстве наша сіла», — падкрэсліла Старшыня Савета Рэспублікі.

На сустрэчы ў Палаце прадстаўнікоў намеснік Старшыні Палаты прадстаўнікоў Вадзім Іпатаў зрабіў акцэнт на такім кірунку дзейнасці, як павышэнне ўзроўню баяздольнасці кааліцыйных кантынгентаў войск (сіл). На гэта нацэлены і вучэнні, якія праводзяцца як па нацыянальных, так і па сумесных планах. «Несумненна, што вынікі вучэнняў і атрыманы вопыт павысяць эфектыўнасць рэагавання на знешнія пагрозы бяспецы нашых краін», — перакананы Вадзім Іпатаў. Так, сёння ўдзельнікі Каардынацыйнай нарады наведаюць палігон Ласвіда, дзе будзе праходзіць заключная фаза камандна-штабнога вучэння з міратворчымі сіламі АДКБ «Непарушнае братэрства — 2026».

Паводле БелТА