У спартыўным цэнтры Універсіяды ў Шэньчжэне робаты-прыбіральшчыкі здольныя аўтаматычна, у адпаведнасці з зададзеным графікам і па загадзя пракладзеным маршруце, выконваць падмятанне і апаражненне кантэйнераў. Раней для выканання гэтай задачы патрабавалася 4 чалавекі і палова дня, а зараз з гэтым спраўляецца адзін робат усяго за 2,5 гадзіны. З дапамогай воблачнай платформы можна адсочваць ход работ, узровень зарада батарэі і статус выканання задання ў рэжыме рэальнага часу.

У адным з паркаў беспілотны катар-прыбіральшчык аўтаномна збірае з паверхні возера апалае лісце і плывучае смецце, а таксама распазнае і аб’язджае перашкоды. Раней на гэтую работу тры работнікі выконвалі за дзве гадзіны, а зараз беспілотны катар спраўляецца з ёй за 40 хвілін, да таго ж ахопліваючы вялікую тэрыторыю.

Рост рынкавага попыту справакаваў бум заказаў для адпаведных кампаній. У некаторых кампаніях заяўляюць аб росце аб’ёму продажаў больш як на 100 % у гадавым вылічэнні. Сума атрыманых заказаў ужо перавысіла 35 мільёнаў юаняў, а абслугоўванне вядзецца больш як у 200 праектах па прыборцы па ўсёй краіне.

Згодна з галіновымі прагнозамі, сёлета аб’ём рынку паслуг па аўтаматызаванай прыборцы ў Кітаі можа дасягнуць 280 мільярдаў юаняў. Асноўны фокус канкурэнцыі ссоўваецца з маштабаў абсталявання ў бок узроўню інтэлектуалізацыі і тэхналагічнай эфектыўнасці — надыходзіць эра аўтаматызаванай прыборкі гарадскіх тэрыторый.