Па выніках 8 месяцаў 2025 года экспарт тавараў і паслуг Беларусі склаў 32,8 мільярда долараў, перавысіўшы паказчык аналагічнага перыяду мінулага года на 300 мільёнаў долараў, паведамілі ў Мінэканомікі.

Асноўны ўклад забяспечылі паслугі — прырост амаль на 1 мільярд долараў, перш за ўсё за кошт транспартнага і будаўнічага сектараў.

Продажы тавараў на 2,5 % ніжэй за ўзровень мінулага года: скарачэнне за кошт паставак у натуральным выражэнні на фоне росту сярэдніх экспартных коштаў.

Беларусь працягвае ўмацоўваць пазіцыі на рынках краін «далёкай дугі». Прадукцыя пад брэндам «Зроблена ў Беларусі» ўсё больш актыўна заваёўвае давер спажыўцоў у Лацінскай Амерыцы, Афрыцы, Паўднёва-Усходняй і Цэнтральнай Азіі. Пастаўкі ў гэтыя рэгіёны дэманструюць упэўненую дынаміку: экспарт у Лацінскую Амерыку вырас у 1,5 раза, у краіны Азіі — у 1,3 раза. Афрыканскі кірунак захоўвае высокія тэмпы другі год запар.

Таксама адзначаецца паступовае запаволенне імпарту, што спрыяе паляпшэнню знешнегандлёвага балансу. За жнівень адмоўнае сальда скарацілася на 200 мільёнаў долараў.