У сувязі з моцнымі маразамі Дзяржаўтаінспекцыя рэкамендуе аўтааматарам устрымацца ад паездак на далёкія адлегласці, калі аўтамабіль не падрыхтаваны належным чынам да эксплуатацыі пры нізкіх тэмпературах, паведамілі БелТА ва УДАІ МУС.
У Дзяржаўтаінспекцыі далі рэкамендацыі ўдзельнікам дарожнага руху.
Перад паездкай неабходна праверыць узровень незамярзальнага абмывальніка лабавога шкла, зарад акумулятара, пераканацца ў спраўнасці сістэмы ацяплення салона. Варта ачысціць шкло, люстэркі і фары ад снегу і лёду, пачынаць рух толькі пасля прагрэву рухавіка.
Уладальнікам дызельных аўто варта выкарыстоўваць спецыяльнае зімовае паліва, не лішнім будзе вазіць з сабой трос, правады для «прыкурвання», лапату, тэрмас з гарачай гарбатай, плед.
ДАІ звяртае ўвагу: пры нізкіх тэмпературах паветра пачышчаная і апрацаваная процігалалёднымі саставамі праезная частка не становіцца бяспечнай адразу, для гэтага патрэбны час і інтэнсіўнасць трафіку. Выбірайце найбольш аптымальную для пэўнага ўчастка хуткасць, рухайцеся плаўна і акуратна, без рэзкіх манеўраў і тармажэнняў, асабліва паблізу пераходаў і на закругленнях дарог.
Каб пазбегнуць абмаражэння, важна цёпла апранацца. Пешаходам у чаканні грамадскага транспарту або пераходу дарогі трэба стаяць далей ад краю праезнай часткі, каб не саслізнуць пад колы. Пры пераходзе варта глядзець па баках, пачынаць рух, толькі пераканаўшыся, што на слізкім пакрыцці ўсе транспартныя сродкі паспелі спыніцца.
Дзяржаўтаінспекцыяй арганізаваны кругласутачны маніторынг стану дарог і вуліц, нарады міліцыі гатовы да аператыўнага рэагавання і аказання дапамогі грамадзянам.
