Увагу супрацоўнікаў міжраённага аддзела ДАІ УУС прыцягнуў матацыкл без рэгістрацыйнага знака, на якім таксама знаходзіўся пасажыр. Калі інспектары падалі сігнал аб спыненні, кіроўца праігнараваў яго і павялічыў хуткасць.

Падчас пераследу парушальнік не рэагаваў на патрабаванні інспектараў, толькі спрабаваў паскорыцца. У канчатковым выніку ён з’ехаў з дарогі і быў затрыманы супрацоўнікамі ДАІ. 

Высветлілася, што матацыкл не быў зарэгістраваны ва ўстаноўленым парадку. Ім кіраваў 44-гадовы мужчына, які не мае правоў на кіраванне. Ён рухаўся са сваім 16-гадовым сынам. Матацыкл быў набыты напярэдадні, і бацька вырашыў пракаціць на ім сваё дзіця.

На парушальніка складзеныя адміністрацыйныя пратаколы, матацыкл змешчаны на штрафстаянку.