У аператыўна-дзяжурную службу Талочынскага РАУС 10 красавіка з бальніцы паступіла паведамленне, што ў рэанімацыйнае аддзяленне дастаўлена 77-гадовая жанчына. Падчас разбору было ўстаноўлена, што траўму яна атрымала ў выніку ДТЗ. 61-гадовы кіроўца Audi A3 пры руху заднім ходам са стаянкі на вул. Валадарскага не пераканаўся ў бяспецы і здзейсніў наезд на жанчыну. Кіроўца з’ехаў з месца здарэння. Падчас вышуковых мерапрыемстваў парушальнік быў устаноўлены. Праводзіцца праверка.

ДАІ нагадвае, што рух заднім ходам дазваляецца пры ўмове, калі гэтыя дзеянні не створаць перашкоды для іншых удзельнікаў дарожнага руху і будзе забяспечана бяспека дарожнага руху. Кіроўца, які з’яўляецца ўдзельнікам ДТЗ, абавязаны неадкладна спыніцца і не прымаць мер па змене становішча транспартнага сродку, пры ўдзеле якога здзейснена ДТЗ, уключыць аварыйную светлавую сігналізацыю і выставіць знак аварыйнага спынення.