Венецыя стогне ад турыстаў. Невялікі італьянскі горад хоча абмежаваць наплыў людзей, асабліва тых, хто прыязджае туды толькі на дзень. Таму там задумалі павялічыць турыстычны збор, перадае Tochka.by.

З такой ідэяй выступіў уладальнік ювелірнай крамы і старшыня Асацыяцыі «П’яцца Сан-Марка» Сетрак Такацьян. Ён прапанаваў спаганяць з турыстаў па €100 за наведванне горада.

Такацьян крытыкуе аднадзённых турыстаў, якія прыязджаюць у Венецыю на аўтобусах або з бліжэйшых кемпінгаў. Паводле яго слоў, такія вандроўцы часцяком дрэнна падрыхтаваныя, марнуюць мала грошай і ствараюць нагрузку на горад.

У мае 2024-га ў горадзе ўвялі штодзённую плату €5 за ўваход для тых, хто прыбывае сюды на дзень і без начоўкі. Раней, у 2021 годзе, улады еўрапейскай турыстычнай Мекі забаранілі круізным судам швартавацца ў квартале.

Гэтыя меры не спынілі натоўпы турыстаў. Таму былі ўведзеныя новыя абмежаванні. Зараз экскурсійныя групы не павінны перавышаць 25 чалавек, а гідам забаронена карыстацца гучнагаварыцелямі.