Па даных следства, днём 25 лістапада 2025 года 53-гадовы мужчына і яго 58-гадовая сужыцелька прыйшлі ў кватэру знаёмага, дзе ўтраіх распівалі спіртное. Увечары ўсе ляглі спаць, пры гэтым госць паклаў пад падушку бутэльку моцнага алкаголю, каб выпіць раніцай. Прачнуўшыся ноччу, мужчына выявіў адсутнасць сваёй спадарожніцы і прызапашанай бутэлькі. Ён убачыў, як каханая ў суседнім пакоі самастойна дапівае алкаголь. Паміж парай узнік канфлікт, падчас якога дама нанесла ўдар малатком па галаве сужыцелю. Адабраўшы інструмент, мужчына адказаў тым жа. Яго ўдар быў мацнейшы — пацярпелай прычыненыя цяжкія цялесныя пашкоджанні. 

Жанчыну шпіталізавалі, фігуранта затрымалі. На месцы здарэння працавала следча-аператыўная група. Праведзены агляд, канфіскаваны прадметы, якія прызнаныя рэчавымі доказамі, прызначаны шэраг неабходных экспертных даследаванняў. Віцебскім гарадскім аддзелам Следчага камітэта 53-гадоваму мужчыну прад’яўлена абвінавачанне па ч. 1 арт. 147 (наўмыснае прычыненне цяжкага цялеснага пашкоджання) Крымінальнага кодэкса Рэспублікі Беларусь. З санкцыі пракурора да яго прыменена мера стрымання ў выглядзе заключэння пад варту. Раней фігурант прыцягваўся да крымінальнай адказнасці за нявыплату аліментаў і згвалтаванне. На сённяшні дзень судзімасці пагашаны. Расследаванне крымінальнай справы працягваецца, высвятляюцца ўсе абставіны здарэння.