Летась мігранты падалі на 28 % заявак больш у параўнанні з 2023 годам. Настолькі высокая колькасць пададзеных запытаў не адзначалася за ўсю гісторыю вядзення дадзенай статыстыкі, якая пачалася з 1979 года. Мінулы антырэкорд быў устаноўлены ў 2003-м, калі колькасць заявак дасягнула 103 тыс.

Па даных Арганізацыі эканамічнага супрацоўніцтва і развіцця (АЭСР), у 2024 годзе мігранты здзейснілі 44 тыс. незаконных спроб пранікнуць на тэрыторыю Вялікабрытаніі. Для гэтага яны карысталіся ў асноўным паслугамі кантрабандыстаў, якія перапраўлялі людзей на надзіманых лодках праз Ла-Манш. У 2023 годзе было зафіксавана 38 тыс. такіх нелегальных спроб. Больш за 10 тыс. незаконных мігрантаў прыбылі ў Брытанію з Пакістана. Далей у рэйтынгу ідуць Афганістан і Іран (па 8 тыс. чалавек).

Таксама АЭСР прывяла даныя па іншых краінах. Першае месца па колькасці пададзеных заявак займае Германія (230 тыс. у 2024 годзе). Сярод лідараў у гэтым спісе аказалася Канада (174 тыс.), Іспанія (164 тыс.), Італія (151 тыс.), Францыя (131 тыс.). Ва ўсіх гэтых краінах, акрамя Францыі, назіраецца рост колькасці запытаў ад мігрантаў на прыстанішча.