Кампанія плануе выпускаць вырабы з поліаміду для будаўнічай галіны і стане першым вытворцам у краіне, якія выкарыстоўваюць гэты матэрыял пры вырабе вадасцёкавых сістэм для плоскіх дахаў. 

У перспектыве ініцыятары праекта сумесна з рэзідэнтам парка ТАА «Солідпайп сістэм» пачнуць распрацоўку сістэм абагравання з прымяненнем такіх інавацыйных матэрыялаў, як нанадысперсныя графіты (павышэнне электраправоднасці вырабаў) і фторсілан (павелічэнне гідрафобнасці прадукцыі). 

Акрамя таго, кампанія мае намер развіваць дадатковыя кірункі дзейнасці: распрацоўка новых супрацьпажарных рашэнняў, непрадстаўленых на рынку дахавых сістэм, а таксама стварэнне BIM-мадэляў (ад англ. Building Information Model — аб’ектна-арыентаваная мадэль будаўнічага аб’екта або комплексу будаўнічых аб’ектаў, як правіла, у трохмерным выглядзе, з элементамі якой звязаны даныя геаметрычных, фізічных і функцыянальных характарыстык будаўнічага аб’екта) для работы праектных і падрадных арганізацый.