У 2027 годзе будзе адзначацца 35-годдзе першай беларускай паштовай маркі. «За амаль 35 гадоў беларускія маркі ад простага знака паштовай аплаты дараслі да высокамастацкіх мініяцюр з рознымі паслядрукарскімі тэхналогіямі. З развіццём паліграфічных магчымасцей прадпрыемстваў-вытворцаў з’явіліся незвычайныя паштовыя маркі ў выглядзе трохвугольніка, круга і авала. Выклікаюць захапленне маркі з пахам лясных суніц», — адзначыла Святлана Юркевіч.

Філатэлістам і кліентам пошты цікавы маркі, якія ажываюць з дапамогай тэхналогіі дапоўненай рэальнасці, што даступна праз бясплатны мабільны дадатак AR MARKA BELARUS.

«Тэматычныя планы выдання дзяржаўных знакаў паштовай аплаты на 2027 год зацверджаны, азнаёміцца з імі можна на сайце прадпрыемства. На паштовых мініяцюрах будуць традыцыйна адлюстраваны сучасныя рэаліі дзяржавы, гістарычная і культурная спадчына, а таксама багатая флора і фаўна Беларусі», — дадала Святлана Юркевіч.