Пра гэта паведамляюць «Минск-Новости» у аглядзе да Дня моладзі і студэнцтва, які ў Беларусі адзначаецца ў апошнюю нядзелю чэрвеня.
Па дадзеных Галоўнага статыстычнага ўпраўлення горада Мінска, у горадзе на пачатак 2025 года пражывалі 396,3 тыс. чалавек ва ўзросце 14-30 гадоў. Гэта 19,8% ад агульнай колькасці насельніцтва сталіцы. Пры гэтым юнакоў налічвалася 194,8 тыс., дзяўчат — 201,4 тыс.
З усяго занятага насельніцтва сталіцы доля тых, каму 15-30 гадоў, складае 18,5%. У катэгорыю занятых трапілі 52,9% усіх гараджан гэтай узроставай групы, у прыватнасці, 51,3% юнакоў і 54,5% дзяўчат Мінска.
Моладзь складае 7,8% ад агульнай колькасці кіраўнікоў. Гэтую долю фарміруюць 58,8% дзяўчат і 41,2% юнакоў.
У топ-5 сфер дзейнасці з найбольшай доляй моладзі ў Мінску ўвайшлі:
- Інфармацыя і сувязь (30,8%);
- Паслугі па часовым пражыванні і харчаванні (30,6%);
- Прафесійная, навуковая і тэхнічная дзейнасць (25,9%);
- Дзяржкіраванне (22,6%);
- Адміністрацыйныя і дапаможныя паслугі (22,5%).
