Паводле яе слоў, да 25 жніўня на сайце Дзяржстандарту будзе размешчана памятка, каб чалавек мог самастойна вызначыць, ці неабходна яму звяртацца ў лабараторыю або іншы орган для таго, каб вызначыць, да якой катэгорыі адносіцца яго СПМ.

«Таксама ў мэтах правядзення тлумачальнай работы Дзяржстандартам у рэгіёнах будзе арганізавана работа Цэнтраў стандартызацыі, метралогіі і сертыфікацыі Дзяржаўнага камітэта па стандартызацыі, каб насельніцтву было зручна не звяртацца ў лабараторыі, якія знаходзяцца ў Мінску, а звярнуцца ў ЦСМС у рэгіёне і атрымаць кансультацыю, якія дзеянні яму праводзіць з яго сродкам персанальнай мабільнасці, -- расказала Вольга Бабко. – Эксперты праходзяць навучанне, каб у поўнай меры і своечасова аказваць кансультацыйную дапамогу. Інфармацыя на сайце Дзяржстандарту будзе пастаянна дапаўняцца ў якасці актыўнай укладкі».

Як паведамлялася раней, Прэзідэнт Беларусі падпісаў указ № 295, якім карэктуюцца Правілы дарожнага руху. Дакумент падрыхтаваны з улікам сучасных рэалій і запыту грамадскасці, прайшоў сур’ёзнае публічнае абмеркаванне. Асноўныя нормы ўказа ўступаюць у сілу з 1 верасня.