У якім выпадку мужу і жонцы трэба абаім заплаціць падатак за кватэру, расказаў БелТА на прэс-канферэнцыі намеснік начальніка галоўнага ўпраўлення падаткаабкладання фізічных асоб - начальнік упраўлення падаткаабкладання маёмасці і прадпрымальніцкай дзейнасці фізічных асоб Міністэрства па падатках і зборах Дзяніс Церашкоў.
У Беларусі прадугледжана новаўвядзенне, якое датычыцца вылічэння зямельнага падатку і падатку на нерухомую маёмасць адносна маёмасці, якая набыта ў сумесную ўласнасць і адначасова зарэгістравана адразу за некалькімі ўдзельнікамі. З чэрвеня мінулага года ў заканадаўстве адбыліся змяненні: калі раней сумесную ўласнасць, як правіла, рэгістравалі на кагосьці аднаго (на мужа або жонку), то цяпер гэта рэгістрацыя правоў праходзіць паўсюль адразу на дваіх удзельнікаў сумеснай уласнасці.
«Да бягучага года падатак за аб’екты ў сумеснай уласнасці налічваўся камусьці аднаму (альбо мужу, альбо жонцы) на падставе пісьмовага паведамлення. З мінулага года гісторыя стала значна больш масавай, і ў мэтах аптымізацыі працэсу вылічэння былі ўнесены змяненні ў частцы вылічэння падаткаў за 2025 і наступныя гады. Цяпер у выпадку, калі сумесная ўласнасць адначасова зарэгістравана адразу за двума ўдзельнікамі, інакш кажучы, за мужам і за жонкай, то падатак будзе налічвацца кожнаму з удзельнікаў, але з паніжаючым каэфіцыентам 0,5. Гэта значыць, напрыклад, калі падатак за кватэру 70 рублёў, то кожнаму з удзельнікаў трэба заплаціць па 35 рублёў. Інакш кажучы, кожны плаціць падатак за кватэру, але ў палавінчатым памеры», — сказаў Дзяніс Церашкоў.
