У рамках праведзенага абследавання распаўсюджана 2621 анкета ў 6 аўтадарожных пунктах пропуску. З агульнай колькасці распаўсюджаных анкет запоўнена 1748 анкет, або 66,7%.

Сярод асоб, якія перасякаюць граніцу, нерэзідэнты Рэспублікі Беларусь склалі 49,8%. Яны запоўнілі 871 анкету. Грамадзяне Беларусі запоўнілі 877 анкет.

Найбольшая колькасць апытаных грамадзян Беларусі накіроўвалася ў Польшчу 66,2%, Літву 12,6%, Германію 5,2%, Італію 4,4% і Францыю 4%.

У Беларусь у гэты ж час заязджалі пераважна рэзідэнты Літвы 27,1%, Польшчы 23,3%, Латвіі 15,5%, Германіі 11%, Расійскай Федэрацыі 7,2% і Эстоніі 5,4%.

Працягласць паездак грамадзян Рэспублікі Беларусь за мяжу і знаходжання замежнікаў на тэрыторыі Рэспублікі Беларусь падчас правядзення абследавання ў асноўным была кароткатэрміновай (не больш за 5 дзён). Такую працягласць паездкі паказалі 50,8% рэзідэнтаў і 55,8% нерэзідэнтаў.

Асноўная частка, або 63,4% ад агульнай колькасці рэзідэнтаў Рэспублікі Беларусь і 76,1% замежных грамадзян, якія адлюстравалі ў анкеце суму асабістых выдаткаў падчас паездкі за мяжу, паказала, што выдаткі на харчаванне, куплю тавараў і іншае не перавысілі $500.