НС здарылася ў горадзе Аіта. У экстранныя службы відавочцы паведамілі аб пажары ўвечары ў панядзелак. Калі ўзгаранне будзе патушана, прагнозаў няма. Як мінімум адзін чалавек лічыцца зніклым без вестак. Для бяспекі з найбліжэйшых дамоў эвакуіравалі больш за 170 чалавек.

Пажар адбыўся ў прыбярэжнай зоне, гэты раён размешчаны побач з портам. Там пераважна малапавярховая забудова з драўлянымі жылымі хатамі і камерцыйнымі будынкамі.