Законапраектам уносяцца карэкціроўкі ў закон «Аб аўтамабільных дарогах і дарожнай дзейнасці» і Кодэкс Рэспублікі Беларусь аб архітэктурнай, горадабудаўнічай і будаўнічай дзейнасці.

Праектам закона, у прыватнасці, прадугледжваецца пашырэнне паўнамоцтваў Міністэрства транспарту і камунікацый у частцы вызначэння парадку маніторынгу бягучых цэн на рэсурсы, у тым ліку працоўныя, якія выкарыстоўваюцца пры ўзвядзенні, рэканструкцыі, эксплуатацыі (утрыманні і бягучым рамонце), капітальным рамонце аўтамабільных дарог агульнага карыстання, парадку фарміравання каштарыснага кошту работ па бягучым рамонце аўтамабільных дарог агульнага карыстання на падставе нарматываў расходу рэсурсаў у натуральным выражэнні, парадку распрацоўкі, узгаднення, зацвярджэння і прымянення тэхналагічнай дакументацыі. Удакладняецца парадак эксплуатацыі аўтамабільных дарог, дыягностыкі аўтамабільных дарог і дарожных збудаванняў на іх. Устанаўліваюцца асаблівасці дарожнай дзейнасці ў дачыненні да аварыйных і перадаварыйных дарожных збудаванняў.

Галаўной камісіяй па законапраекце вызначана Пастаянная камісія па прамысловасці, энергетыцы, транспарце, сувязі і лічбавым развіцці Палаты прадстаўнікоў.