Як паведаміў старшыня РГА «Патрыёты Беларусі» Мікалай Зарубіцкі, праект ахапіў ужо ўсе рэгіёны, алічбавана каля 3,5 тысячы аб’ектаў па ўсёй краіне. Такая маштабная работа вядзецца, каб гісторыю немагчыма было перапісаць і наша маладое пакаленне ведала толькі праўдзівую інфармацыю аб нашым гістарычным мінулым.

Цырымоніі ўстаноўкі папярэднічаў мітынг-рэквіем, прысвечаны загінулым героям, якія выканалі свой інтэрнацыянальны абавязак.

Удзельнікі мітынгу таксама абмеркавалі актуальныя пытанні дзейнасці грамадскіх арганізацый нашай краіны ў фармаце адкрытага дыялогу. Сярод іх — каля 200 маладых работнікаў сфер ЖКГ, прамысловасці, адукацыі і гандлю, а таксама вайскоўцы. Асноўная тэма сустрэчы — роля грамадскіх арганізацый у забеспячэнні адзінства ў грамадстве.

— Сёння ў краіне ёсць суб’екты грамадзянскай супольнасці, якія маюць асаблівыя правы на ўзаемадзеянне з дзяржавай, у тым ліку, выбранне дэлегатаў на Усебеларускі народны сход, — адзначыў намеснік старшыні ФПБ Вадзім Грачоў. — Прафсаюзы Беларусі імкнуцца з усімі канструктыўна настроенымі патрыятычнымі сіламі нашай краіны наладзіць узаемадзеянне. У нас гэта атрымоўваецца. Адзін з яркіх прыкладаў — сяброўства з РГА «Патрыёты Беларусі». Мы імкнёмся, каб моладзь далучалася да патрыятычнай работы праз канкрэтныя справы, дабрачынныя акцыі, клопат аб ветэранах. Гэта павінна пакінуць след у сэрцах маладых людзей, якім далей развіваць нашу краіну.

Трэба адзначыць, што прафсаюзы традыцыйна ўдзяляюць вялікую ўвагу пытанням патрыятычнага выхавання, грамадзянскай адказнасці і пераемнасці пакаленняў. Удзел прафсаюзных арганізацый у захаванні гістарычнай памяці — сістэмная работа, якая аб’ядноўвае людзей розных прафесій і ўзростаў вакол агульных каштоўнасцяў: памяці, павагі і салідарнасці. 

Алена КРАВЕЦ.

Чытайце таксама: Прафсаюзы Беларусі павіншавалі заслужанага трэнера БССР з 90-гадовым юбілеем