Паводле прагнозу сіноптыкаў, 29 чэрвеня на тэрыторыі Беларусі прагназуецца тэмпература паветра ад 30 да 39 градусаў спёкі. Фактарамі небяспекі ў такую экстрэмальную спякоту могуць стаць адключэнне электрычнасці з-за перагрэву трансфарматарнага абсталявання, дэфармацыя асфальтавага пакрыцця і чыгуначных рэек, з-за чаго могуць узнікнуць аварыі. Ёсць верагоднасць узнікнення пажараў у прыродных экасістэмах з распаўсюджваннем агню на населеныя пункты, лініі ЛЭП і сувязі. Таксама ўзрастае рызыка павелічэння колькасці інфекцыйных і паразітарных захворванняў, абвастрэння сардэчна-сасудзістых хвароб. Высокая верагоднасць сонечных удараў.

Грамадзянам варта захоўваць асцярожнасць, асабліва пры купанні ў вадаёмах, мець пры сабе неабходныя медыкаменты і імкнуцца трымацца ў цені. Пры дрэнным самаадчуванні рэкамендуецца звярнуцца ва ўстанову аховы здароўя.