Уступная кампанія гэтага года з’яўляецца адной з самых лепшых за апошнія пяць гадоў, што пацвярджаюць рэзультаты цэнтралізаванага экзамену і тэсціравання. Пры арганізацыі ЦЭ і ЦТ у бягучым годзе асаблівую ўвагу ўдзялілі ўкараненню штучнага інтэлекту ў дзейнасць інстытута. Таксама прадоўжыла функцыянаваць сістэма электроннай чаргі. «Калі ў мінулым годзе паслугамі электроннай чаргі скарысталіся 15 тыс. абітурыентаў, то ў гэтым годзе колькасць узрасла да 22 тыс. Гэты інструмент аблягчае работу як прыёмнай камісіі ўстановы адукацыі, так і абітурыентам», — растлумачыў ён.

Адным з новаўвядзенняў гэтага года стаў і электронны сертыфікат. «Водзывы выключна станоўчыя. Спадзяюся, што ў наступным годзе большасць устаноў адукацыі ў час уступнай кампаніі будуць актыўна ўзаемадзейнічаць з намі ў якасці аднаго з будучых элементаў праграмы «Электронны абітурыент», «Лічбавы кабінет абітурыента», — дадаў дырэктар РІКВ.

Інстытут таксама прадоўжыў размяшчэнне бланкаў адказаў у асабістых кабінетах абітурыентаў, што скараціла колькасць зваротаў грамадзян па пераглядзе сваіх рэзультатаў.

Акрамя таго, быў запушчаны тэлеграм-канал, які паказаў высокую папулярнасць інтэрактыўнага ўзаемадзеяння ў працэсе інфармацыйнага забеспячэння ўступнай кампаніі, арганізацыі і правядзення ЦЭ і ЦТ. Дзмітрый Міронаў падкрэсліў, што работа ў сацыяльных сетках прадаўжаецца і ў хуткім часе будзе апублікавана відэа, прысвечанае арганізацыі ўступнай кампаніі 2027 года. Таксама будзе расказана аб запуску адукацыйнай праграмы рэпетыцыйнага тэсціравання ў новым фармаце. Яе першыя рэзультаты будуць даступны ўжо ў кастрычніку.

Усяго за 25 гадоў РІКВ апрацаваў больш як 16 млн тэстаў і выдаў каля 8 млн сертыфікатаў.