Гэтыя транспартныя сродкі будуць абкладацца па стандартных стаўках. «Мы не павінны забываць, што ўсе карыстаемся інфраструктурай, у першую чаргу гэта дарогі. Гэта значыць транспартны падатак у Беларусі дзейнічае як мэтавая крыніца фінансавання расходаў на дарожнае будаўніцтва. Таму мы гаворым аб тым, што надышоў час ураўнаваць усіх у абавязку ўдзельнічаць у фінансаванні такога віду дзяржаўных расходаў», — праінфармаваў Дзмітрый Кійко.

Ён падкрэсліў, што, калі ў далейшым узнікне неабходнасць вырашаць экалагічныя задачы, падатковая сістэма будзе адаптавацца і шукаць механізмы, якія дадуць магчымасць улічваць устаноўленыя прыярытэты.