Гэта эмодзі грыфа, бутэлькі для эліксіраў, архідэі, інукшука (каменнага збудавання культуры інуітаў). Акрамя таго, у спісе ёсць эмодзі вачэй, якія глядзяць направа — яны дапаўняюць ужо тое, на якім вочы глядзяць налева.

Сімвалы з’яўляюцца папярэднімі кандыдатамі для версіі Emoji 19.0. Калі іх ухваляць, яны з’явяцца на прыладах у верасні 2027 года. У праект спісу могуць таксама дадаць новыя эмодзі.

Нядаўна высветлілася, што эмодзі з тварам з гучным плачам стаў самым папулярным у свеце ў 2025 годзе. На думку лінгвістаў, эмодзі з тварам, які плача, ператварыўся ва ўніверсальную рэакцыю на нешта вельмі смешнае, эмацыйнае або няёмкае.