Расціранне спіртам або гарэлкай пры прастудзе можа прывесці да перагрэву ўнутраных органаў. У дзяцей гэта можа выклікаць алкагольнае атручэнне, паведаміла доктар медыцынскіх навук Дар’я Падчынёнава, перадае ТАСС.

Расціранне гарэлкай ці спіртам — адзін з метадаў народнай медыцыны, які выкарыстоўваецца пры прастудах і павышанай тэмпературы. Такая практыка доўгі час заставалася вельмі папулярнай, асобныя сем’і па звычцы працягваюць звяртацца да гэтага спосабу, лічачы яго простым і даступным.

«Расціранне спіртам/гарэлкай або воцатам дае кароткачасовы ахаладжальны эфект за кошт выпарэння, але не зніжае ўнутраную тэмпературу: выклікае спазм перыферычных сасудаў, парушае цеплааддачу і можа садзейнічаць перагрэву ўнутраных органаў», — адзначыла эксперт.

Урач растлумачыла, што ў дзяцей апісаныя выпадкі цяжкага алкагольнага атручэння, якое развілася пасля працэдур расцірання спіртазмяшчальнымі сродкамі. Гэта звязана з тым, што дзіцячая скура валодае значна больш высокай абсарбцыйнай здольнасцю ў параўнанні з дарослай: рэчывы хутчэй і ў большым аб’ёме пранікаюць праз скурны бар’ер прама ў кровазварот. Па гэтай прычыне метад расцірання не толькі не дае чаканага тэрапеўтычнага эфекту, але і ўяўляе сур’ёзную небяспеку.