Палуцкас падаў у адстаўку 31 ліпеня пасля серыі журналісцкіх расследаванняў. У іх сцвярджалася, што звязаныя з палітыкам кампаніі атрымлівалі льготныя крэдыты.

У выпадку адстаўкі прэм’ер-міністра ўвесь кабінет міністраў Літвы таксама павінен пайсці ў адстаўку.

Кіраўнік дзяржавы Гітанас Наўседа падпіша ўказ аб прыняцці адстаўкі ўрада і даручэнні яму часова выконваць абавязкі да назначэння новага кабміна. Прэзідэнт таксама павінен будзе назначыць выконваючага абавязкі прэм’ер-міністра.

З гэтага моманту і на працягу не больш як 15 дзён Наўседа павінен будзе прадставіць на разгляд Сейма кандыдатуру пастаяннага прэм’ер-міністра.