Дакумент уносіць карэкціроўкі ў пастанову Савета Міністраў ад 28 лістапада 2019 года № 818 «Аб парадку абыходжання з адходамі» з улікам практыкі прымянення. Так, устанаўліваецца магчымасць атрымання дазволу на захоўванне або пахаванне адходаў вытворчасці пры наяўнасці аб’ектаў па выкарыстанні або абясшкоджванні адходаў, калі праектная магутнасць такіх аб’ектаў не дазваляе перапрацаваць (абясшкодзіць) увесь аб’ём адходаў вытворчасці, што ўтвараюцца ў краіне (пры наяўнасці пісьмовага пацверджання дадзенага факту ад уласніка гэтага аб’екта).

Акрамя таго, прадугледжваецца магчымасць спынення дзеяння дазволу на захоўванне і пахаванне адходаў вытворчасці па ініцыятыве заяўніка, павялічваецца тэрмін звароту зацікаўленай асобы для ўнясення змяненняў у паказаны дазвол (з 30 да 60 дзён).

Удакладняецца тэрмін здзяйснення адміністрацыйных працэдур, а таксама спосаб падачы дакументаў пры іх прадстаўленні ў пісьмовай форме (на папяровым носьбіце).

Таксама выключаецца неабходнасць прадстаўлення копіі тэхналагічнага рэгламенту выкарыстання або абясшкоджвання адходаў пры ажыццяўленні адміністрацыйнай працэдуры па рэгістрацыі прынятых (уведзеных) у эксплуатацыю аб’ектаў па выкарыстанні, абясшкоджванні адходаў у выпадку, калі заяўнік мае ліцэнзію на ажыццяўленне дзейнасці, звязанай з уздзеяннем на навакольнае асяроддзе.

Тэрміналогія прыводзіцца ў адпаведнасць з заканадаўчымі актамі, уносяцца асобныя рэдакцыйныя праўкі з улікам вынікаў рэвізіі заканадаўства.