Пастановай прадугледжваецца давядзенне паказчыка па ўводзе ў 2026 годзе ў эксплуатацыю агульнай плошчы жылых дамоў (4 млн кв. м), а таксама яго паквартальнай разбіўкі, уключаючы жыллё, якое будуецца ў рамках дзяржаўнага заказу, з выкарыстаннем дзяржаўнай падтрымкі, арэнднае жыллё.

Квартальныя заданні па ўводзе ў эксплуатацыю агульнай плошчы жылых дамоў устаноўлены ў наступнай прапорцыі: у першым квартале 2026 года — не менш за 15 %, у першым паўгоддзі 2026-га — не менш за 35 %, за 9 месяцаў 2026 года — 65 % ад гадавога плана.

Таксама пастановай дапоўнены пералік аб’ектаў — даўгабудаў для прыёмкі ў эксплуатацыю па фактычным стане (зацверджаны пастановай Савета Міністраў ад 24 снежня 2025 года № 766) пяццю аб’ектамі ў Гомелі і Гродне з высокай ступенню будаўнічай гатоўнасці з мэтай уцягвання іх у гаспадарчы абарот і навядзення парадку на зямлі.