Дакумент распрацаваны ў мэтах рэалізацыі ўмоў увозу на тэрыторыю Рэспублікі Беларусь з КНР дыяксіду тытану, алюмініевай фольгі і графітаваных электродаў. Пастановай вызначаны парадак выдачы ўпаўнаважанымі органамі пацвярджэння мэтавага прызначэння тавару, які ўвозіцца без выплаты антыдэмпінгавай пошліны і ў межах штогадовых аб’ёмаў, пры ўмове яго выкарыстання пры вытворчасці прадукцыі арганізацыямі Рэспублікі Беларусь.

З улікам забеспячэння інтарэсаў зацікаўленых асоб усіх форм уласнасці і тэрытарыяльнай даступнасці адміністрацыйнай працэдуры ў якасці ўпаўнаважаных органаў вызначаны Мінпрам, канцэрн «Беллеспаперапрам», аблвыканкамы і Мінскі гарвыканкам.

Прадугледжаныя ў пастанове падыходы накіраваны на забеспячэнне даступнасці квоты розным імпарцёрам, а таксама дадуць магчымасць аператыўна пераразмяркоўваць нявыкарыстаныя аб’ёмы і забяспечваць максімальную выбарку квоты ў рамках каляндарнага года. Пастанова таксама накіравана на абарону айчынных вытворцаў і забеспячэнне іх неабходнай сыравінай.