Урад Японіі на чале з Сігэру Ісібам у поўным складзе пайшоў у адстаўку перад выбарамі новага прэм’ер-міністра, якія пройдуць 21 кастрычніка ў ніжняй палаце парламента. Пра гэта паведамляе ТАСС са спасылкай на канцылярыю кіраўніка ўрада.
Сігэру Ісіба прабыў на пасадзе прэм’ер-міністра краіны 386 дзён.
Ужо неўзабаве ключавая, ніжняя палата парламента збярэцца на пазачарговую сесію. Па даных крыніцы, на ёй новы старшыня Ліберальна-дэмакратычнай партыі (ЛДП) Санаэ Такаіці будзе выбрана прэм’ер-міністрам, стаўшы першай у гісторыі Японіі жанчынай-прэм’ерам. За дзень да галасавання ЛДП, якая не мае большасці ў парламенце, змагла заключыць альянс з кансерватыўнай партыяй «Таварыства абнаўлення Японіі», што гарантавала Такаіці выбранне.
Новы ўрад Санаэ Такаіці сфарміруе на працягу дня.
