Дзяржаўная праграма ўключае ў сябе дзве падпраграмы: «Дабрабыт старэйшага пакалення» і «Сацыяльная інклюзія».

Мэта дзяржпраграмы — павышэнне даступнасці і якасці сацыяльнай падтрымкі з улікам дыферэнцыраваных патрэбнасцей грамадзян старэйшага пакалення і інвалідаў. На яе рэалізацыю плануецца накіраваць Br3,8 млрд.

З яе дапамогай плануецца павялічыць ахоп грамадзян 75 гадоў і старэйшых, інвалідаў сацыяльнымі паслугамі да 25 працэнтаў ад іх агульнай колькасці (да 2030 года — 230 тыс. чалавек, рост за 5 гадоў больш як на 50 тыс. чалавек), нарасціць колькасць атрымальнікаў сацыяльных паслуг не менш як на 15 працэнтаў за 5 гадоў (да 2030 года 430 тыс. чалавек, рост больш як на 55 тыс. чалавек), забяспечыць ахоп інвалідаў сацыяльнай рэабілітацыяй, абілітацыяй не менш за 95 працэнтаў (рост за 5 гадоў на 25 працэнтаў), а таксама павялічыць долю даступных аб’ектаў сацыяльнай і транспартнай інфраструктуры, вулічна-дарожнай сеткі — не менш за 36 працэнтаў у агульнай колькасці аб’ектаў (з 33,3 тыс. аб’ектаў да 38,4 тыс.).