«Магістраль M10 з’яўляецца, безумоўна, ключавой магістраллю для нашай краіны. І па даручэнні Прэзідэнта рэалізуецца маштабны праект па рэканструкцыі — практычна ад рэчыцкага скрыжавання да абходу горада Калінкавічы, гэта значыць будзе злучана магістраль з выездам на Мазыр, на Калінкавічы і далей на Мінск. Такая своеасаблівая, можна сказаць, закальцоўка краінавая», — адзначыў Аляксандр Церахаў.

Агульная будаўнічая даўжыня аб’екта рэканструкцыі аўтадарогі М10 складае больш за 85 км. Аб’ект падзелены на пяць чэргаў. Будаўнічая даўжыня першай чаргі — звыш 16 км.

«Завяршаецца рэканструкцыя першай чаргі, першых 16 км. Дарожныя будаўнікі паспяхова спраўляюцца. У верасні будзе падпісаны акт уводу першай чаргі Дзяржаўнай камісіяй», — абазначыў тэрміны намеснік Прэм’ер-міністра.

«Сёння мы ацанілі магчымасці падрыхтоўкі да рэалізацыі наступных чэргаў. Гэта і наяўнасць распрацаванай праектнай дакументацыі, наяўнасць фінансавання. Плаўна пераходзім у рэалізацыю другой чаргі. У цэлым па даручэнні кіраўніка дзяржавы ў 2029 годзе павінны быць завершаны асноўныя будаўнічыя работы з уводам аб’екта ў 2030-м. Рэканструкцыя ідзе згодна з планам. Усе тэрміны вытрымліваюцца», — сказаў Аляксандр Церахаў.

«Не бачым праблем па рэалізацыі гэтага праекта», — дадаў ён.