Па ўказанні міністра ўнутраных спраў увесь асабісты склад Дзяржаўтаінспекцыі пераведзены на ўзмоцнены варыянт нясення службы. «Разгорнуты аператыўна-сітуацыйны штаб па забеспячэнні бяспекі і аказанні дапамогі ўдзельнікам дарожнага руху. Супрацоўнікі ДАІ дапамагаюць камунальным службам суправаджаць снегапрыборачную тэхніку. Згодна з распараджэннем міністра, у мерапрыемствах задзейнічаюць спецыяльную тэхніку органаў унутраных спраў і ўнутраных войскаў МУС», — адзначыў Віктар Ротчанкаў.

Увесь асабісты склад ДАІ накіраваны на дапамогу ўсім, хто трапіў у цяжкую сітуацыю, падкрэсліў ён і дадаў: «Не пакідайце асабісты транспарт на праезнай частцы — усе аўтамабілі на шляху снегапрыборачнай тэхнікі будуць эвакуяваныя на штрафныя стаянкі. У выпадку выяўлення халатнасці з боку дарожных і камунальных службаў будуць прыняты прынцыповыя меры да службовых асоб».

Што датычыцца кіроўцаў, ДАІ пераканаўча просіць пры трапленні ў ДТЗ складаць еўрапратакол. «Па нумары 140 кругласутачна працуе кол-цэнтр беларускага бюро па транспартным страхаванні для кансультацый па яго афармленні. Не заставайцеся абыякавымі: убачыўшы надзвычайную сітуацыю на дарозе, акажыце дапамогу і набярыце 102», — заўважыў ён.

Віктар Ротчанкаў звярнуў увагу, што на дарогах Беларусі ў некаторых месцах ужо ўзнікалі заторавыя сітуацыі. «Аднак дзякуючы сумеснай рабоце з камунальнымі дарожнымі службамі ўсе яны аператыўна вырашаліся і рух працягваўся ў штатным рэжыме. На дадзены момант заторавых сітуацый або перашкод для транспарту не адзначаецца. Супрацоўнікі Дзяржаўтаінспекцыі сумесна з камунальнымі службамі пры паступленні інфармацыі аб заторах адразу мабілізуюць тэхніку для прыборкі праезнай часткі. У першую чаргу расчышчаецца вулічна-дарожная сетка па маршрутах грамадскага транспарту. Просім усіх вадзіцеляў адмовіцца ад паездак і мінімізаваць перамяшчэнні. Транспарт на праезнай частцы неабходна прыбраць, уладальнікі машын у дварах павінны максімальна садзейнічаць камунальным службам у ачыстцы парковачных месцаў», — заявіў начальнік Галоўнага ўпраўлення. 

Паводле яго слоў, усплёскаў ДТЗ на дадзены момант не назіраецца, толькі месцамі ўзнікаюць заторы. Пры паступленні інфармацыі Дзяржаўтаінспекцыя і камунальныя службы аператыўна накіроўваюць тэхніку ў праблемныя зоны, асабліва дзе ўскладнены рух грамадскага транспарту. «У выпадку неабходнасці на ўчастках аўтадарог уводзяцца часовыя абмежаванні для расчысткі. Прашу паставіцца да іх з разуменнем і выбіраць рэкамендаваныя маршруты. Ва ўсіх месцах з абмежаваннямі будуць дзяжурыць супрацоўнікі ДАІ. Яны падкажуць аб’язныя шляхі або паведамяць пра час аднаўлення руху. Прашу з разуменнем ставіцца да іх рэкамендацый», — сказаў Віктар Ротчанкаў.