У выніку жыллёва-камунальныя плацяжы для насельніцтва ў разліку на тыпавую двухпакаёвую кватэру з трыма пражываючымі пры нарматыўным спажыванні імі паслуг павысяцца ў 2025 годзе на 21 рубель (0,5 базавай велічыні).

Павышэнне тарыфаў праводзіцца ў два этапы:

• з 1 студзеня — на ўсе паслугі, за выключэннем ацяплення і гарачага водазабеспячэння, на 17,05 рубля;
• з 1 чэрвеня — на цеплавую энергію на мэты ацяплення і гарачага водазабеспячэння на 3,95 рубля.

У 2025 годзе ўдзельная вага жыллёва-камунальных плацяжоў у даходзе сям’і з трох чалавек пры двух тых, хто працуе і атрымлівае сярэднерэспубліканскую заработную плату, складзе 3,8 працэнта, сям’і з двух пенсіянераў — 8,3 працэнта.

Пры гэтым ва ўмовах росту жыллёва-камунальных плацяжоў будзе прадоўжана работа па дзяржаўнай падтрымцы насельніцтва праз выдзяленне безнаяўных жыллёвых субсідый.

Яны даюцца грамадзянам і сем’ям адрасна пры наступнай умове: калі штомесячная сума камунальных плацяжоў перавышае 20 % іх сярэднямесячнага сукупнага даходу ў горадзе і 15 працэнтаў — у сельскай мясцовасці.