Апошнім часам многія атрымалі СМС-паведамленні і апавяшчэнні ў дадатку пра выплату ўзносаў у Фонд сацыяльнай абароны насельніцтва
У Міністэрстве працы і сацыяльнай абароты адказалі на найбольш частыя пытанні.
1. Хто павінен самастойна выплачваць страхавыя ўзносы?
Як патлумачылі ў ведамстве, абавязаны гэта рабіць індывідуальныя прадпрымальнікі (акрамя тых, хто прымяняе ППД); самазанятыя (рамеснікі, уладальнікі аграсядзіб, плацельшчыкі адзінага падатку);адвакаты, натарыусы; фізічныя асобы, якія заяўным прынцыпам выказалі жаданне выплачваць узносы.
А вось плацельшчыкі падатку на прафесійны даход (ППД) могуць выплачваць узносы добраахвотна — каб фарміраваць свой страхавы стаж для будучай пенсіі.
2. Да якога тэрміну трэба заплаціць?
31 сакавіка 2026 года — апошні дзень выплаты ўзносаў за 2025 год для ўсіх катэгорый фізічных асоб.
3. Як даведацца дакладную суму да выплаты?
Сума ўжо разлічана і даступная ў сістэме «Разлік» (АРІП) (ФСАН вобласць/горад раённы аддзел/сектар «Унёскі ў ФСАН фіз.асоб за сябе») у мабільным дадатку «ФСАН» (раздзел «Плацяжы»); у Асабістым кабінеце плацельшчыка на партале ФСАН: portal2.ssf.gov.by.
4. Чаму сума менавіта такая і як яна лічыцца?
Для ІП, адвакатаў і натарыусаў узносы ўключаюць дзве часткі — пенсіённае страхаванне (29 % ад МЗП); сацыяльнае страхаванне (6 % ад МЗП) — на выпадак часовай непрацаздольнасці, цяжарнасці і родаў.
Для рамеснікаў, уладальнікаў аграсядзіб, плацельшчыкаў адзінага падатку — адна частка — пенсіённае страхаванне (29 % ад МЗП).
Для ІП, якія выплачваюць падаходны падатак — 35 % з фактычнага даходу, пры ўмове, што даход склаў менш за 12 МЗП снежня 2025 года; 35 % з 12 МЗП, пры ўмове, што даход склаў 12 МЗП і больш снежня 2025 года.
Для ІП, якія выплачваюць адзіны падатак — 35 % з МЗПза месяц выплаты адзінага падатку.
Выніковая сума за 2025 год пры выплаце з 12 МЗП складае 3 077,04 рублёў.
Канкрэтная лічба залежыць ад таго, колькі поўных месяцаў вялася дзейнасць. У кожнага сфарміравалася свая мінімальная сума запазычанасці, якую можна даведацца праз АРІП, мабільны дадатак ФСАН і Асабісты кабінет плацельшчыка ўнёскаў.
Для адвакатаў, натарыусаў, рамеснікаў, уладальнікаў аграсядзіб, плацельшчыкаў адзінага падатку і фізічных асоб, якія выказалі жаданне выплачваць узносы — парадак выплаты ўзносаў не змяніўся.
5. Што будзе, калі не заплаціць?
Як растлумачылі ў профільным міністэрстве, нявыплата пагражае налічэннем пені за кожны дзень пратэрміноўкі; спагнаннем запазычанасці праз органы прымусовага выканання; незалічэннем перыяду ў страхавы стаж — а гэта напрамую ўплывае на права на працоўную пенсію і яе памер.
Для плацельшчыкаў ППД разлічана сума ўзносаў, якая дазваляе сфарміраваць страхавы стаж за 2025 год — можна аплаціць да 31 сакавіка.
6. Я ІП і адначасова працую па найме. Ці трэба плаціць узносы як ІП?
— Так, абавязкова, — пацвердзілі ў Мінпрацы і сацабароны. — Калі вы зарэгістраваны як ІП, то абавязаны выплачваць узносы незалежна ад таго, ці ёсць у вас іншая праца. Страхавы стаж суміруецца, але ўзносы павінны паступаць па кожнай падставе.
7. Я самазаняты, але плачу падатак на прафдаход (ППД). Мне прыйшло апавяшчэнне — што рабіць?
Як пракаментавалі ў ведамстве, плацельшчыкі ППД не абавязаны выплачваць узносы ў ФСАН. Аднак яны могуць гэта зрабіць добраахвотна, каб фарміраваць пенсіённы стаж.
— Калі вы не хочаце плаціць — проста праігнаруйце апавяшчэнне (яно інфармацыйнае). Але ўлічыце: без выплаты ўзносаў гэты перыяд не ўвойдзе ў страхавы стаж, і пенсія будзе ніжэйшай, — патлумачылі спецыялісты. — Калі ж вырашыце даплаціць, суму можна даведацца там жа — праз АРІП або дадатак.
