Ва ўрачыстым адкрыцці прынялі ўдзел пасол Беларусі ў Расіі Аляксандр Рагожнік і віцэ-губернатар Санкт-Пецярбурга Кірыл Палякоў.

«Беларуская вёска» ў санкт-пецярбургскім гіпермаркеце «АШАН» займае плошчу 56 кв. м і аформлена ў стылі класічнага сельскага падворка з цёплымі натуральнымі фактурамі, драўлянымі элементамі і нацыянальным арнаментам. У асартыменце прадстаўлена больш за 200 найменняў прадукцыі ад беларускіх вытворцаў: малочныя прадукты, сыры, мясныя далікатэсы, каўбасы, паўфабрыкаты, кандытарскія вырабы, марожанае, а таксама вырабы з лёну і фарфору.

У снежні 2024 года гандлёвы дом ТАА «Мінскі малочны завод № 1» распрацаваў мультыбрэндавую канцэпцыю рэалізацыі беларускіх тавараў у фармаце гандлёвай прасторы «Беларуская вёска». Адкрыццё першага аб’екта адбылося 3 ліпеня 2025 года ў ТРК «Піцерлэнд». У верасні бягучага года гандлёвая прастора «Беларуская вёска» таксама была адкрыта ў Маскве ў гіпермаркеце «АШАН» ГЦ «Авіяпарк». А цяпер адбылося адкрыццё ўжо другой для Санкт-Пецярбурга «Беларускай вёскі».

«Гандлёвыя аб’екты праекта „Беларуская вёска“ могуць стаць эфектыўнай і адносна даступнай дадатковай платформай для прасоўвання на рынку Санкт-Пецярбурга прадукцыі беларускіх вытворцаў», — адзначылі ў прэс-службе беларускага ўрада.