У сувязі са змяненнем бюджэту пражытачнага мінімуму непрацуючым пенсіянерам ва ўзросце 75 гадоў і старэйшым павысілі «ўзроставыя» даплаты, якія ўваходзяць у агульную суму пенсіі. Аб гэтым БелТА расказалі ў прэс-службе Міністэрства працы і сацыяльнай абароны.
Памер «узроставых» даплат для людзей ва ўзросце 75-79 гадоў складзе 100,45 рубля, пры наяўнасці інваліднасці I групы — 234,38 рубля. Для людзей 80 гадоў і старэйшых — 200,9 рубля з улікам надбаўкі на догляд, пры наяўнасці інваліднасці I групы — 267,86 рубля. У ведамстве падкрэслілі, што названыя сумы — памер даплат пасля пераразліку, а не сума прыбаўкі з 1 лістапада.
У Мінпрацы нагадалі, што да працоўных пенсій непрацуючых пенсіянераў, якія пастаянна пражываюць у Беларусі, дасягнулі 75 гадоў і атрымліваюць пенсію ў органах па працы, занятасці і сацыяльнай абароне, аўтаматычна ўстанаўліваюцца «ўзроставыя» даплаты. Далей штоквартальна, з улікам змянення бюджэту пражытачнага мінімуму, яны індэксуюцца на працэнт росту бюджэту пражытачнага мінімуму. «Узроставыя» даплаты атрымліваюць 576 тыс. чалавек. Расходы на іх у 2026 годзе, паводле ацэнкі, перавысяць 980 млн рублёў.
