«У прынцыпе, усе пытанні ў нас носяць рабочы характар. Аднак ёсць неабходнасць абмеркаваць шэраг пытанняў, — адзначыў Аляксандр Турчын. — Тавараабарот расце такімі тэмпамі, што мы чарговы раз будзем на пасяджэнні Вышэйшага Дзяржаўнага савета дакладваць аб рэкордах нашым прэзідэнтам. І заўсёды прыемна з калегамі працаваць, таму што ўзровень прафесіяналізму і разумення заўжды заслугоўвае вялікай павагі».

Аляксей Авярчук падкрэсліў, што дэлегацыі з Расійскай Федэрацыі знаходзяцца ў Беларусі ў рамках Форуму рэгіёнаў. «Гэта наша важнейшае мерапрыемства, якое дае магчымасць людзям больш цесна камунікаваць. Гэта заўсёды добрая магчымасць сустрэцца са старымі сябрамі, заключыць розныя кантракты і дагаворы, а рэгіёны развіваюць сувязі паміж сабой», — звярнуў увагу ён.

На думку віцэ-прэм’ера, Беларусь і Расія могуць у гэтым годзе разлічваць на тавараабарот $70 млрд. «У нас усё нядрэнна развіваецца. Ёсць, вядома, пытанні, але гэтыя пытанні больш маюць ужо, напэўна, тэхнічны характар. Сёння якраз іх абмяркуем», — падкрэсліў Аляксей Авярчук.