Атрыманне медыцынскай даведкі для вадзіцеляў у Мінску павінна стаць больш зручным. Раней асноўны паток ахвотных прайсці медкамісію прыпадаў на 24-ю гарадскую паліклініку спецмедаглядаў, праз што пацыентам даводзілася сутыкацца з чэргамі. Цяпер прайсці агляд можна яшчэ ў дзвюх медыцынскіх установах, расказалі ў эфіры АНТ.
Чэргі на вадзіцельскія даведкі вырашылі скараціць
24-я гарадская паліклініка спецмедаглядаў застаецца адной з асноўных устаноў, дзе мінчане атрымліваюць медыцынскія даведкі для вадзіцеляў і пры працаўладкаванні.
Пры гэтым ахвотных прайсці медкамісію бывае настолькі шмат, што свабоднага талона даводзіцца чакаць. Пры спробе запісацца праз сайт бліжэйшая даступная дата на вадзіцельскую даведку магла аказацца толькі праз некалькі тыдняў.
У Міністэрстве аховы здароўя вырашылі пераразмеркаваць паток пацыентаў паміж некалькімі арганізацыямі аховы здароўя.
Наталля Пабіванцава, начальнік Галоўнага ўпраўлення арганізацыі меддапамогі Міністэрства аховы здароўя: «Задумаліся, павялічылі колькасць арганізацый аховы здароўя, якія могуць такія паслугі па прафаглядах аказваць, патокі размеркавалі. Адпаведна, пытанне знята. Таму для нас гэта заўсёды сігнал».
Дзе цяпер можна атрымаць вадзіцельскую даведку
Прайсці медыцынскую камісію для атрымання вадзіцельскай даведкі цяпер можна не толькі ў 24-й гарадской палікліцы спецмедаглядаў, але і ў 11-й паліклініцы і 2-й бальніцы Мінска.
Такім чынам, у пацыентаў з’явіўся выбар, а нагрузку на асноўную ўстанову плануюць размеркаваць паміж некалькімі медарганізацыямі.
