У Дэпартаменце Міжнароднага ваеннага супрацоўніцтва Міністэрства абароны адбылася сустрэча з брыгадным генералам Жэромам Маларам з нагоды завяршэння працэдуры яго акрэдытацыі ў якасці аташэ па пытаннях абароны пры Пасольстве Французскай Рэспублікі ў Рэспубліцы Беларусь (з рэзідэнцыяй у Маскве).

У ходзе мерапрыемства адбыўся абмен думкамі па ключавых пытаннях міжнароднай бяспекі, а таксама аб ваенна-палітычнай абстаноўцы ва Усходне-Еўрапейскім рэгіёне. Беларускі бок даў ацэнку бягучаму стану двухбаковага ўзаемадзеяння, прадставіў сваё бачанне далейшай сумеснай работы, а таксама праінфармаваў французскага ваеннага прадстаўніка аб падыходах да развіцця супрацоўніцтва з замежнымі дзяржавамі ў ваеннай сферы, у першую чаргу на заходнім напрамку.

Французскі ваенны дыпламат выказаў удзячнасць за гатоўнасць Міністэрства абароны Беларусі да дыялогу і змястоўную гутарку. Ён таксама адзначыў адкрытасць беларускіх калег у падыходзе да зносін.

На сённяшні дзень пры беларускім абаронным ведамстве акрэдытаваныя ваенныя прадстаўнікі 10 дзяржаў — членаў НАТА, а таксама Швейцарыі.