«Увоз новых колаў у якасці тавараў для асабістага карыстання дапускаецца ў колькасці не больш як адзін камплект на працягу каляндарнага года да аднаго транспартнага сродку, які знаходзіцца ва ўласнасці фізічнай асобы, і пры ўмове абавязковага дакументальнага пацвярджэння такой уласнасці», — растлумачылі ў ведамстве.

Без выплаты мытных пошлін, падаткаў можна ўвезці на тэрыторыю ЕАЭС тавары коштам не больш за 500 еўра і вагой не больш за 25 кг. У выпадку перавышэння лімітаў патрабуецца выплата пошліны па стаўцы 30% ад кошту ў частцы перавышэння вартаснай нормы, але не менш як 4 еўра за 1 кг вагі ў частцы перавышэння вагавай.

Мытныя пошліны, падаткі вылічваюцца ў валюце дзяржавы ЕАЭС, у якой яны падлягаюць выплаце. Пералік замежнай валюты ў беларускія рублі праводзіцца з прымяненнем курса валют, які ўстанаўлівае Нацбанк Беларусі і дзейнічае на дзень рэгістрацыі дэкларацыі.