«Мы пастаянна гаворым, што дзеці — наша будучыня, а абарона правоў дзіцяці — заўсёды была і застаецца адной з важнейшых задач дзяржавы. І гэта не пустыя словы, — адзначыў Валерый Малашка. — У нашай краіне забеспячэнне прыярытэту інтарэсаў і дабрабыту дзяцей ва ўсіх сферах жыццядзейнасці грамадства — аснова дзяржаўнай палітыкі. Захаванне правоў дзіцяці грунтуецца перш за ўсё на абавязках службовых асоб ствараць умовы для аховы і абароны такіх правоў, адказнасці грамадзян за парушэнне законных інтарэсаў дзіцяці і прычыненне яму шкоды. На сённяшні дзень Беларусь прымае меры не толькі для нараджэння дзяцей, мы таксама імкнёмся забяспечыць якаснае і ўсебаковае іх развіццё, адукацыю, і самае галоўнае — каб усё гэта праходзіла ў абстаноўцы, бяспечнай для жыцця і здароўя кожнага дзіцяці. З гэтай мэтай і быў распрацаваны праект закона Рэспублікі Беларусь «Аб змене законаў па пытаннях забеспячэння правоў дзяцей».

Асноўная накіраванасць законапраекта — узмацненне гарантый дзяржаўнай абароны правоў і законных інтарэсаў дзяцей. «У першую чаргу значную ўвагу распрацоўшчыкі праекта закона ўдзялілі ўдасканаленню механізму абароны дзяцей ад інфармацыі, якая наносіць шкоду іх здароўю і развіццю. З гэтай мэтай у праекце прапанавана ўстанавіць абавязак бацькоў забяспечваць абарону дзяцей ад інфармацыі, якая распаўсюджваецца ў глабальнай камп’ютарнай сетцы Інтэрнэт, якая наносіць шкоду здароўю і развіццю дзяцей, — расказаў парламентарый. — Бацькі павінны будуць растлумачваць дзецям шкоду такой інфармацыі, кантраляваць выкарыстанне імі рэсурсаў глабальнай камп’ютарнай сеткі Інтэрнэт, у тым ліку з прымяненнем арганізацыйных, праграмна-апаратных і праграмных сродкаў, якія даюць магчымасць не дапусціць распаўсюджвання сярод дзяцей інфармацыі, якая наносіць шкоду іх здароўю і развіццю. Прадугледжваецца таксама ўстанаўленне адказнасці бацькоў за выкананне названага абавязку ў адміністрацыйным заканадаўстве».

Пры гэтым дзяржава (і гэта таксама адлюстравана ў праекце) возьме на сябе абавязак аказваць інфармацыйна-кансультатыўную дапамогу бацькам (апекунам, папячыцелям) у рэалізацыі мер па абароне дзяцей ад інфармацыі, якая распаўсюджваецца ў глабальнай камп'ютарнай сетцы Інтэрнэт і наносіць шкоду здароўю і развіццю дзяцей, падкрэсліў Валерый Малашка.

Яшчэ адным актуальным на сённяшні дзень пытаннем з'яўляецца стварэнне такога прававога механізма, які максімальна забяспечыў бы абарону дзяцей ад сексуальнага насілля і эксплуатацыі. "З гэтай мэтай праектам прапануецца замацаваць паўнамоцтвы ўрада на вызначэнне парадку аказання дапамогі дзецям, якія пацярпелі ад насілля. Таксама прадугледжваецца, што грамадзяне, якія прэтэндуюць на ажыццяўленне педагагічнай дзейнасці, ва ўстаноўленым парадку павінны будуць прайсці псіхалагічную гутарку.

Адпаведна на юрыдычных асоб і індывідуальных прадпрымальнікаў будзе ўскладзены абавязак да заключэння працоўнай дамовы, грамадзянска-прававой дамовы з грамадзянамі, якія будуць займацца педагагічнай дзейнасцю, у тым ліку ў сферы фізічнай культуры і спорту, дзейнасцю, звязанай з сталай працай з дзецьмі, забяспечыць тлумачэнне заканадаўства, які тычыцца абароны правоў і законных інтарэсаў непаўналетніх дзяцей ад злачынстваў супраць палавой недатыкальнасці або палавой свабоды і азнаёміць названых грамадзян пад роспіс з прававымі наступствамі невыканання патрабаванняў заканадаўства", - удакладніў парламентарый.

«Праектам закона прадугледжваецца, што каардынацыю дзеянняў структурных падраздзяленняў мясцовых выканаўчых і распарадчых органаў і іншых арганізацый па дзяржаўнай абароне дзяцей будуць ажыццяўляць камісіі па справах непаўналетніх. Адначасова лічым важным адзначыць, што да замацавання прапануюцца нарматыўныя прадпісанні, якія ўстанаўліваюць прававыя гарантыі забеспячэння дзяцей-сірот і дзяцей , якія засталіся без апекі бацькоў, а таксама асоб з ліку дзяцей-сірот і дзяцей, якія засталіся без апекі бацькоў, медыцынскімі вырабамі (вырабамі медыцынскага прызначэння, медыцынскай тэхнікай), у тым ліку акулярамі», — дапоўніў Валерый Малашка.