У заключным матчы фінальнага турніру нашы дзяўчаты ўступілі чалябінскаму клубу «Дынама-Метар-3» з лікам 0:3 па сэтах (19:25, 25:27, 21:25). У дзесяці турах валейбалісткі «Мінчанкі-2» набралі 19 ачкоў з 30 магчымых і занялі другое месца ў табліцы, адстаўшы ад новых чэмпіёнак МВЛ з казанскай каманды «Дынама-Ак Барс-ВАР» на дзве перамогі.

У рэгулярным чэмпіянаце сталічны клуб заняў трэцяе месца сярод 14 удзельнікаў, у фінал сезона прабілася лепшая шасцёрка. У першым крузе вырашальнага этапу ў падмаскоўным Адзінцова «Мінчанка-2» пацярпела тры няўдачы ў пяці сустрэчах, затое ў другім раўндзе фіналу ў Туле нашы дзяўчаты выйгралі чатыры матчы з пяці.

Сярэбраныя медалі Маладзёжнай валейбольнай лігі Расіі сярод жаночых каманд беларускі заваявалі другі раз у гісторыі, паўтарыўшы рэзультат шасцігадовай даўнасці. Па выніках сезона-2020/21 «Мінчанка-2» стала чэмпіёнам МВЛ. Год таму сталічны клуб замкнуў пяцёрку наймацнейшых.